何猷啟Angelika一年情玩完
2017/05/20 11:05 | 來源 / 東方日報

  【東方日報專訊】賭王何鴻燊幾房子女戀事向來都是焦點,三房兒子何猷啟年前撻着以色列索模Angelika,二人打得火熱,不時在網上放閃。今年三月兩口子才一起慶祝拍拖一周年,沒料昨日突然宣布分手,猷啟強調分手不涉及第三者,而Angelika表示再見亦是朋友,仍會互相關心!

  何猷啟與外籍女友Angelika拍拖一年,一直甜蜜恩愛,常被拍得當街咀嘴,Angelika早前更自爆與男友同居,感情穩定。今年三月兩人拍拖一周年,Angelika上載二人慶祝照,一同品嘗燭光晚餐及美酒,並寫道:「one year with my baby.」但昨晚凌晨三時多,猷啟突在微博上載一張「水信玄餅」甜品照,留言謂:「Thank you for everything, it was an amazing and memorable year.Wish you all the best and reach your goals.(感謝一切,這是很美妙及難忘的一年,希望你事事順利及達成你的理想。)」似乎意有所指。而Angelika的社交網站內仍有與猷啟的合照,但上次更新已經是五天前,當時她上載了跟母親的合照。

  「分居」要搵地方搬?

  對於分手一事,昨日猷啟大方承認:「我哋係和平分手嘅,咁大家一齊都覺得應該分開,因為都想低調處理,顧及對方感受,所以一直都冇講任何嘢,係到依家先浮上面,先講畀傳媒知!」而Angelika亦透過模特兒公司回應說:「多謝大家關心!呢個決定係我哋兩個人一齊嘅決定。雖然分開咗,但我哋依然會關心對方,之前想處理咗先同記者交代。(分手原因?)呢個就唔講喇!(嚟緊都會喺香港工作?)都仲喺香港。(之前同居依家要搵地方搬?)要同公司傾番,有需要佢哋會幫我。」據知他們是今個月決定和平分手,主因是兩人聚少離多。